مصر الحره

المعاد في كل الاماكن بعد اصلاه الجمعه مباشره الساعه 1 ظ

*اماكن التجمع

1-   الساعه 1 ظ ميدان مصطفى محمود الساعه 1 ظ

امبابه التجمع الساعه 1 ظ امام كنيسة الوحده بشارع الوحده بجوار كشري الاستاذ

2- جامع الاستقامه بميدان الجيزه

*العمرانيه التجمع امام جامع خاتم المرسلين بشارع خاتم المرسلين الساعه 1 ظ

*فيصل التجمع بمحطة الطالبيه فيصل الساعه 1 ظ

* الهرم التجمع امام جامع السلام الساعه 1 ظ

*المنيب وساقية مكي مكان التجمع ميدان محطة مترو المنيب الساعه 

(على ان تتقابل المسيرات السابقه في ميدان الجيزه الساعه الواحده والنصف ظهرا وتتجه لجامعة القاهره حيث تنضم لها مسيرة طلبة الثانويه السعيديه وجامعه القاهره وكلية هندسه القاهره وتتجه اخيرا الى كوبري الجلاء حيث تصل هناك في تمام الرابعه عصرا )

3- ميدان السيده زينب

* منيل الروضه - مكان التجمع ميدان الباشا بالمنيل الساعه 1 ظ

* مصر القديمه التجمع امام جامع عمرو ابن العاص الساعه 1ظ

* المعادي التجمع امام مسجد الفتح ش 9 بالمعادي الساعه 1ظ

(تتجمع المسيرات بميدان السيده زينب الساعه  1وتتجه الى ميدان التحرير مباشره)

4-  دوران شبرا الساعه 1 ظ

ويشارك فيها اهالي شبرا والشرابيه والزاويه الحمرا ويكون التجمع الساعه 1 ظهرا في دوران شبرا وتتجه الى كوبري قصر النيل حيث تصل في تمام الساعه الرابعه

5-  بعد الصلاه مباشره جامع الفتح برمسيس

6-  مسيرة شرق القاهره الساعه 1 ظ

وتضم اهالي المطريه وعين شمس ومصر الجديده ومدينة نصر والزتون وحدايق القبه والعباسيه ويكون التجمع امام مترو غمره تحت الكوبري الساعه 1ضهرا ومن ثم التوجه الى كوبري قصر النيل حيث تصل هناك في تمام الساعه الرابعه

تصل المسيرات في تمام الرابعه الى كوبري الجلاء (مصطفى محمود – الجيزه – شبرا )

كوبري قصر النيل (جامع الفتح – شرق القاهره)

حيث يقام

1- وقفة حداد على ارواح شهداء الثوره

2- قسم الحفاظ على الثوره وتحقيق اهدافها

3- واخير التوجه لميدان التحرير مباشرة

• ملحوظه يأتي على رأس كل مسيره رايه معلق بها علم مصر و صورة الشهيد واسمه

• (مسيرة مينا دانيال (شبرا)

• مسيرة علاء عبد الهادي (الجيزه)

• مسيرة عماد عفت( مصطفى محمود)

• مسيرة سيد بلال (مسجد الفتح )

• مسيرة خالد سعيد (السيده زينب)

*مسيرات اخرى

1- مسيرة اطباء عين شمس بالزي الطبي للمطالبه بالقصاص للشهيد علاء عبد الهادي متزامن مع ذكرى الاربعين لاستشهاده تبدأ الساعه 1 ظ من امام جامع النور بالعباسيه الى ميدان التحرير

2- مسيرة كلية طب القاهره بالقصر العيني الساعه 1 ظ بالزي الطبي من كلية طب القصر العيني الى ميدان التحرير

3- مسيرة كلية فنون جميله بالزمالك التجمع الساعه 1 ظ امام كليه فنون جميله بالزمالك تتجه من امام الكليه الى شارع شجرة الدر الى مسرح الزمالك الى شارع 26 يوليو الى فندق الماريوط الى شارع سرايا الجزيره الى كوبري قصر النيل

4- مسيرة شبرا الخيمه الساعه 1 ظ من كوبري عرابي متجهه الى دوران شبرا ثم الى التحرير

5- مسيرة ميدان الحجاز مصر الجديده الساعه 1  ضهراا لى ميدان التحري

6- مسيره من جامع الازهر بعد صلاه الجمعه مباشره تتجه لميدان التحرير

** ملحوظات

كل حد حد يقدر يطبع صورة شهيد او بانر شهيد او لمجموعه من الشهداء ويتحرك بها في المسيره الخاصه به

كل الي يقدر يطبع تي شيرت عليه صورة شهيد يلبسه وينزل بيه

الموقعون

1- اللجان الشعبية للدفاع عن الثورة

2- إئتلاف ثورة اللوتس

3- حركة شباب من أجل العدالة والحرية

4- إئتلاف شباب الثورة

5- حركة 6 ابريل

6- الجبهة القومية للعدالة والديمقراطية

7- الإشتراكيون الثوريون

8- الحركة الشعبية لدعم الأزهر

9- حركة المصرى الحر

10- تيار الإسلام العام

11- جبهة الإرادة الشعبية

12- الإئتلاف الإسلامى الحر

13- جمعية أطباء التحرير

14- اللجان الثورية الشعبية

15- حملة كاذبون

16- اتحاد شباب الثورة

17- تحالف حركات توعية مصر

18- اتحاد شباب ماسبيرو

19- الجبهة الحرة للتغيير السلمى

20- رابطة الشباب التقدمى

21- تكتل شباب بورسعيد

22- حزب العمال والفلاحين

23- جبهة عيش حريه عدالة إجتماعية

24- حركة شايفنكم

25- حملة دعم البرادعى "سابقاً" ومطالب التغيير

26- حزب الوعى

27- حزب مصر الحرية

28- حزب العدل

29- الحزب المصرى الديمقراطى الإجتماعى

30- حزب التحالف الشعبى الإشتراكى

31- حركة الإرادة الشعبية لمصر

32- حركة صحوة

33- حركة ثوار سيناء

34- التوافق الشعبى

35- جبهة الشباب الحر

36- حركة مصر بكرة

37- حركة العباسية مش تكية

38- شباب الوحدة الوطنية (عابدين والموسكى)

39- حركة كلنا مينا دانيال

40- شباب الجمعية الوطنية للتغيير

41- حركة مشاركة

42- شباب ثورة فجر

43- إئتلاف الثقافة الحر

44- حركة مصر المتنورة

45- الجبهة الثورية بدمياط

46- إئتلاف الثورة الديمقراطي بقنا

47- إئتلاف ثورة 25 يناير بالصعيد

48- إئتلاف ثورة 25 يناير بالأقصر

49- إئتلاف الثورة الديمقراطي بأسوان

50- حركة الديمقراطية الشعبية سوهاج

51- إئتلاف شباب سوهاج

52- حركة الديمقراطيه الشعبيه المصريه بأسيوط

53- إئتلاف شباب أسيوط

54- تكتل شباب السويس

55- حركة الثوار المستقلين بقنا

سيشارك في كل المسيرات كل المجموعات الجغرافيه لحركه شباب 6 ابريل

برجااااااء النشررررر

الخطة التفصيلية لتظاهرات الثورة فى 25 يناير بإذن الله

توكلنا علي الله

أنشر .. شير .. عرف 

| الخطة التفصيلية لتظاهرات الثورة في 25 يناير

*اماكن التجمع :

1- ميدان مصطفى محمود
امبابه التجمع الساعه 12 امام كنيسة الوحده بشارع الوحده بجوار كشري الاستاذ

2- جامع الاستقامه بميدان الجيزه

*العمرانيه التجمع امام جامع خاتم المرسلين بشارع خاتم المرسلين الساعه 11 صباحا

*فيصل التجمع بمحطة الطالبيه فيصل الساعه 11 صباحا

*الهرم التجمع امام جامع السلام الساعه 11 صباحا
*المنيب وساقية مكي مكان التجمع ميدان محطة مترو المنيب الساعه 11 صباحا

(على ان تتقابل المسيرات السابقه في ميدان الجيزه الساعه الواحده والنصف ظهرا وتتجه لجامعة القاهره حيث تنضم لها مسيرة طلبة الثانويه السعيديه وجامعه القاهره وكلية هندسه القاهره وتتجه اخيرا الى كوبري الجلاء حيث تصل هناك في تمام الرابعه عصرا )

3- ميدان السيده زينب
* منيل الروضه - مكان التجمع ميدان الباشا بالمنيل الساعه 11 صباحا

* مصر القديمه التجمع امام جامع عمرو ابن العاص الساعه 11 صباحا

* المعادي التجمع امام مسجد الفتح ش 9 بالمعادي الساعه 10 صباحا

(تتجمع المسيرات بميدان السيده زينب الساعه 2 وتتجه الى ميدان التحرير مباشره)

4- دوران شبرا

ويشارك فيها اهالي شبرا والشرابيه والزاويه الحمرا ويكون التجمع الساعه 2 ظهرا في دوران شبرا وتتجه الى كوبري قصر النيل حيث تصل في تمام الساعه الرابعه

5- جامع الفتح برمسيس

6- مسيرة شرق القاهره

وتضم اهالي المطريه وعين شمس ومصر الجديده ومدينة نصر والزتون وحدايق القبه والعباسيه ويكون التجمع امام مترو غمره تحت الكوبري الساعه 2 ضهرا ومن ثم التوجه الى كوبري قصر النيل حيث تصل هناك في تمام الساعه الرابعه

تصل المسيرات في تمام الرابعه الى كوبري الجلاء (مصطفى محمود – الجيزه – شبرا )

كوبري قصر النيل (جامع الفتح – شرق القاهره)

حيث يقام

1- وقفة حداد على ارواح شهداء الثوره

2- قسم الحفاظ على الثوره وتحقيق اهدافها
3- واخير التوجه لميدان التحرير مباشرة

• ملحوظه يأتي على رأس كل مسيره رايه معلق بها علم مصر و صورة الشهيد واسمه

• (مسيرة مينا دانيال (شبرا)

• مسيرة علاء عبد الهادي (الجيزه)

• مسيرة عماد عفت( مصطفى محمود)

• مسيرة سيد بلال (مسجد الفتح )
• مسيرة خالد سعيد (السيده زينب)

*مسيرات اخرى
1- مسيرة اطباء عين شمس بالزي الطبي للمطالبه بالقصاص للشهيد علاء عبد الهادي متزامن مع ذكرى الاربعين لاستشهاده تبدأ الساعه 10 صباحا من امام جامع النور بالعباسيه الى ميدان التحرير

2- مسيرة كلية طب القاهره بالقصر العيني الساعه 11 صباحا بالزي الطبي من كلية طب القصر العيني الى ميدان التحرير

3- مسيرة كلية فنون جميله بالزمالك التجمع الساعه 10 صباحا امام كية فنون جميله بالزمالك تتجه من امام الكليه الى شارع شجرة الدر الى مسرح الزمالك الى شارع 26 يوليو الى فندق الماريوط الى شارع سرايا الجزيره الى كوبري قصر النيل

4- مسيرة شبرا الخيمه الساعه 11 صباحا من كوبري عرابي متجهه الى دوران شبرا ثم الى التحرير

5- مسيرة ميدان الحجاز مصر الجديده الساعه 12 ونصف ضهراالى ميدان التحرير

6 مسيرة جامع الازهر عقب صلاة الفجر متجهه الى ميدان التحرير

** ملحوظات

- كل حد حد يقدر يطبع صورة شهيد او بانر شهيد او لمجموعه من الشهداء ويتحرك بها في المسيره الخاصه به
- كل الي يقدر يطبع تي شيرت عليه صورة شهيد يلبسه وينزل بيه

تعليمات هامه قبل النزول لإستكمال الثوره يوم 25 يناير 2012

المياه الملونة هي الضيف الجديد معنا في الثورة هذا العام، فكيف تتعامل معها؟
...
وما هي المياه الملونة أصلا؟ المياه الملونة هي مياه مخلوطة بمواد كيميائية تصبغ الجلد بصبغات خاصة لا يمكن إخفاؤها قبل عده أشهر ، الهدف من الرش بالمياه الملونة هو تسهيل التعرف على الثوار لاعتقالهم بعد ذلك في السجون!

قُم بارتداء ملابس ثقيلة قدر الإمكان، ويُفضل أن تكون ذات سطح أملس مثل جاكت أو بالطو من الجلد، وحاول تغطية رأسك وارتداء نظارات.. ثم ادهن الأجزاء التي تظل مكشوفة من جلدك بالفازلين، فهو يسهل إزالة الألوان ويمنع وصولها إلى طبقات الجلد. احرص أيضا على وجود القناع الواقي من الغازات السامة كالذي كان معنا في محمد محمود تحسبا لأي طارئ، وتأكد من أن الجزء المقابل للهواء من الفلتر هو الجزء الأسود (الكربون النشط)، وتأكد من نزع لاصقات الأمان قبل الاستعمال مباشرة.

احرص كذلك على وجود مناديل مبللة بالخل في كيس نايلون بجيبك، ومناديل مبللة بالنشا، وعلبة بيبسي جيب صغيرة، وخوذة غير قابلة للكسر تحسبا لأي تراشق أو إطلاق رصاص مطاطي، وتأكد من ارتداء نظارة غطس ذات زجاج لين حتى تحمي العينين من بلي الخراطيش.

احتفظ في هاتفك المحمول برسالة نصية جاهزة للإرسال باستمرار تفيد باعتقالك، وسجل أرقام جبهة الدفاع عن متظاهري مصر ومركز النديم ومركز هشام مبارك ومن تعرفه من أصدقاءك الصحفيين، ورجل راشد واحد على الأقل من الأهل. في حال اعتقالك لا قدر الله يُسحب منك الهاتف المحمول بعد فترة قصيرة جدا من دخولك إلى المدرعة، لذلك تأكد من أن الرسالة هي أول شيء تفعله، كما أنه ليست هنالك أية طريقة للاتصال بالعالم الخارجي في السجن.. اللهم إلا الوافدين!

تأكد من اغتسالك قبل النزول من المنزل غُسلا شرعيا، واكتب اسمك ورقم تليفون رجل راشد واحد على الأقل من

 أهلك على ذراعك بقلم حبر وبخط واضح، واترك وصية قصيرة إذا أحببت سجل فيها الموقف الذي دعاك للمشاركة في الثورة ودعوتك لمن يأتي خلفك بمواصلة الطريق حتى تحقيق الاستقلال الوطني الكامل وإرساء نظام ديمقراطي مدني مستقيم وإنهاء جميع صور الحكم العسكري المباشر أو غير المباشر وحالة الخضوع والتبعية للخارج التي

 نعيشها! لتكن كلماتك قوية ومعبرة.. فربما غيرت مصر باستشهادك..

وتذكر أن الشهيد خالد سعيد كان القشة التي كسرت ظهر حسني مبارك. مع أطيب التمنيات بثورة منصورة

 وديكتاتورية ساقطه بإذن الله.

منقول.

أنشرها علي أوسع نطاق 

ده اللواء سامي سيدهم اللي كان من ساعه علي قناة 25 بيتهم المتظاهرين اللي موجودين في التحرير بالعماله وإنهم مجموعه من المندسين هوا هوا نفس الشخص اللي كان بيدي أوامر لسحل المتظاهرين في مظاهرات كفايه وهوا اللي إدا أوامر لسحل الفتيان وهتك عرضهم يوم 25/5/2005 يوم الإستفتاء علي تعديل الدستور قبل أول إنتخابات رئاسيه في مصر وهوا نفس الشخص اللي قبض علي أسماء علي ورشا عزب وندي القصاص يوم 27 / 4 / 2006 لتضامنهم مع القضاه ودلوقتي هوا مساعد وزير داخلية الثوره دافعوا عن ثورتكم واستمروا في نضالكم ضد قيادات الداخليه وضد العسكر ولا تتراجعوا فدمائكم الذكيه ستروي أرض مصر بالحريه وليكن مطلبكم الأول تطهير وزارة الداخليه ومحاكمة قيادات المجلس العسكري الحاكم وإقالة الحكومه التي شكلت بعد الثوره ونقل السلطه لرئيس المحكمة الدستوريه

إيه اللي جرالك يا مصر

بقلم : سامي يوسف

طبعا كلنا النهارده اعدين قدام التلفزيون والنت عينينا مبحلقه مدمعه بتدمي علي اللي بيحصل في بلدنا عجيبه ام العجايب  وانا من طبعي مش بحب اتكلم عن حاجات خاصه بس حابب اني اشارككم معايا في يومي النهارده من اوله يصادف النهارده يوم عيد جوازي ونظرا لظروف الدراسه فزوجتي والاولاد مش معايا في مصر الصبح جالي تليفون من صاحبي الصحوب او صديقي الصدوق وبعد كل سنه وانت طيب والكلام الدافي بتاعنا في المناسبات قاللي مراتي عملالك النهارده الملوخيه والبشاميل اللي بتحبهم اصلها قالت النهارده مناسبه حلوه وانتي ياعني اعد لواحدك وطبعا راح ضاحك ضحكه صفرا بعد الكلمتين دول بيغظني بس اصاد الواجب الجامد بلعتهم بس بردوا رديت عليه بغلاسه ياعني ايه

قالي ياعني تيجي تقضي اليوم معايا كالمعتاد هوه انت في حد بيعبرك غيرنا وبرضوا ضحكه صفرا وانا برضوا بكل سمو روحاني وعشان البشاميل والملوخيه بلعتها وقولتله ماشي يا البير بيك البس واجيلك ايوا ما تستغربوش البير ماهوه ده صاحبي واخويا من ساعة ما اتولدنا وعيلتي وعيلته واحد من زمان اوي ياعني فتحت عيني لاقيتنا عندهم وهما عندنا المهم صليت الضهر ولبست هدومي واتمشيت في الكرويدور بتاع عشرة متر كده وخبط علي باب شقة البير اه نسيت ااولكم ان لما اشترينا شققنا كانت في نفس العمارة في نفس الدور ما علينا المهم فتحتلي ايفون اختي وحبيبتي ومرات البير في نفس الوقت والله خسارة فيه بس يالا نصيبها ومش عارف بجد هيه مستحملانا احنا الاتنين ازاي يالا مش مشكله ماحنا كلنا مترابيين سوا وهي اتعودت علي كدا قالتلي خش الحق البير لازق في البلاي ستيشن مش راضي يسيبه وانا مش فاضيه واقفه في المطبخ المهم دخلت مباشرة علي الاودة اللي اعد البير فيها ماهو انا وهوه اللي فرشنا شققنا  وطفيت البلاي ستيشن اللي نزلنا انا وهوه من زمان اشتريناه عشان نلعب بيه واذ فجاة بوممممممممممممم مخده في وشي ووابل من يا رخم وياغتت وووو الكلام الجميل الدافي اللي بنرحب بيه ببعض علطول كمصريين واكيد احضان واكتر حاجه بتضايقني البوس وكالمعتاد ياعم البير انا مش صاحبتك عشان تبوسني وكالمعتاد من البير الله يخربيت امريكا اللي بوظتلك دماغك يا سمسم هوه في احلي من البوس ومحاوله اخري فاشله لبوسه انهيها بدفعه قويه كل مره من سنين السنين ده اللي بيحصل وبينتهي بضحك وحب وحضن اقوي دخلت علينا ايفون او ايف كاتمة اسراري ومرشدتي من الطفولة بالشاي ابو نعناع اللي بحبه جدا وعلي فكرة البير عنده حساسية جامدة جدا من النعناع وايف بتشربه في المناسبات بس لازم يكون موجود في البيت عشان خاطري وسابت الشاي بعد م حطتلي السكر بتاعي ولا اجدع قهوجي هيه حافظه شايي سكره اد ايه مانا قولتلكوا مترابيين سوا وسابيتنا وراحت علي المطبخ البيير قالي يالا يا دود عشان اغلبك ماتش فيفا ضحكت وقولتله ا انت عارف اصلا اني ما بعرفش العبها ولا عايز تحس بنفسك طب روح لاعب حد حريف مش تيجي عليا انا وبعدين انا هكلم مراتي والولاد وهما كده كده زهقوني من كتر ما بيقوللولي

 we wanna chat with albear & ev  المهم طلعت اللاب وابتديت افتحه وابتديت اكلم مراتي وبنوتي والبير عمال يعمل حركات عبيطه بوشه لبنوتي وهيه عماله تضحك عليه وهوه فرحان اوي مش عارف امتي هيكبر وده حقد مني لاني ما بعرفش اعمل زيه بس ببينها انها عقل ياعني وجت ايف وهيا بتقول الحاجه في الفرن اوعوا انتوا الاتنين عشان اكلم الجماعه عشان واحشوني اوي طبعا قرار مجلس عسكري لا يمكن مناقشته اعدت هيه في الصدراة تتكلم مع مراتي وبنتي وانا والبيير اعدين وراها نراقب الموقف وفي انتظار التعليمات خدت كتير بتاع ساعتين وشويه كده لدرجة اني والبير ابتدينا نتاوب انتوا عارفين طبعا لما الستات يفتحوا في الكلا حتي لو علي النت بتبقي خلصت يدوبك كانت تقوم تبص علي الحاجه اللي في الفرن وترجع ولما كانت بتقوم كانت بتقول تحذير شديد اللهجه اوعي حد فيكوا انتوا الاتنين يقرب للاب

واخيرا قامت عشان تبدأ في تحضير الاكل تليفوتي رن الو طلعت وطلعت ده صاحبي والمسؤول عن تصوير ندواتي التدريبيه والايفنت بتاعتي صوته مخضوض انت فين يا مستر سامي رديت براحه يابني مالك في ايه ورمي قنبلته في وشي المسيحين والجيش بيضربوا في بعض والبلد مقلوبه انا سكت من الصدمه من الرعب من الحزن مش مصدق مستر سامي يا مستر مستر سامي فوقت ورديت ايوا يا طلعت انت فين قاللي انا في وسط البلد بصور قلتله طب خللي بالك من نفسك وخليك علي اتصال قفلت رن التليفون تاني المهندس عمرو وعمرو شاب مهندس وترينير جميل اوي بعتبره اخويا الصغير وشريكي في الترانينج ومنسق للايفنتس اللي بعملها نفس الفحوي والمضمون نفس الصدمه والحزن وهوه بيكلمني كان علي الويتينج بكار حد دماغه جميله ورايق وهوه مسؤول الميديا والتسويق الاليكتروني في فريق العمل معايا كلهم بيتكلموا عشان يطمنوا اني بعيد عن الحدث مع انهم هما التلاته في الحدث بس ده  هوه حبنا لبعض ابقي في مصيبه واللي يفرق معايا ان اطمن ان صاحبي بعيد عنها واللي بحبهم في امان  في نفس اللحظه دخلت علينا ايفون بنعيط ومنهاره وبتقول الحقوا المسلمين بيضربوا فينا بصيتلها باستغراب ردت وقالتلي مش اصدي انت مش مسلم بصيت باستغراب اكتر من بين دموعها قالتلي والمسيح الحي مش ااصد انا اصدي انك مش زيهم وانهارت في البكاء تاني في اللحظه دي صدمتي زادت وسرحت بتفكيري في اللي وصلناله او اللي نجحوا يوصلونا ليه ان كل اللي بيحتك بالمسحيين مسلم مع ان الموضوع بين المسحيين والجيش والمسلمين مالهمش دخل اصلا كنيسة القديسين مع انها امن دولة بس اتلزقت في المسلمين احداث امبابه مع انها اعضاء حزب وطني سابق اتلزقت في المسلمين يا ناس فكروا من المستفيد من اللي بيحصل بينا وفوقت من شرودي علي تليفون البير بيكلم ماما تريز اللي هيه تبقي مامة ايف وجدتي ما تستغربوش ماهيه واحده من جداتي اللي رابوني وكلمتها وانا ببكي واطمنت عليها عارفين ماما تريز بالذات ليها حاجات معايا ما تنيسيش منها سبت النور اكيد في كتير مسلمين قبل مسيحين عارفينه كنا واحنا صغيريين انا وايف والبير اليوم ده ماما تريز تاخدنا تحطلنا كحل وكان بيحرق عيني اوي ونت دايما ااولها عشان اهرب ماما دا بتاع المسحيين انا مسلم يا مش احط منه ترد بكل حب بعد ما تاخدني في حضنها يا عبيط دا عيدنا كلنا وانا بحطلك الكحل عشان الرب يباركك وينور عينيك ويخليهم حلوين طبعا انا كنت باسمع ان عيني هتبقي حلوه فابسكت ويعدي اليوم بعد ما تدي كل  واحد فينا 10 صاغ بحالها زي عيديه نرجع تاني للريسيبشن اللي

احنا اعدين فيه انا والبير وايف الصمت هوه اللغه الوحيدة يتخلله بعض التليفونات للاطمنان من او الي وابص لايف وايفون وهما يبوصولي ويبصوا لبعض ومره واحده قومنا احنا التلاته وخدنا بعضنا في حضننا هيه كده وهتفضل كده مهما حصل ايف والبير عادل وماما تريز وماما تحية وطنط ام عيسي كلهم هيفضلوا اخواتي وامهاتي وجداتي وانا هفضل اخوهم وابنهم وحفيدهم فوقوا ما تضيعوش الحاجات الحلوة اللي عشنا سنين بيها وفيها بحبك يا بلدي