13/10/2005
فكاهات محمد عواد
_______________________________________________________________________________________
فكاهات صديقي محمد عواد
خصصنا هذه الصفحه خصيصا لاقتناعنا التام بان كل وسائل
التعبيير هي من حق المواطن المصري
الفكاهه رقم (1).
البواب بتاع حبيب العادلي كل يوم الصبح يقف علي باب البيت
ويقول يارب ارزقني بفلوس
حبيب العادلي زهق منه قام رايح قال لسيده حسني مبارك
قالحسني مبارك لحبيب خد ال500 جنيه دول حطهمله في
الظرف واكتب علي الظرف محمد حسني مبارك
نفذ حبيب العادلي ولما صحي الصبح وسمع البواب كالمعتاد
بيدعي ربه رماله الظرف بالفلوس
المهم البواب فتح الظرف وقعد يقول أشكرك يارب
وفجأه
يلاقي اسم حسني مبارك علي الظرف
حزن حزنا شديدا وقال يارب مش لاقي الا الحرامي ده
ده بياخد نص الفلوس
هههههه
______________
الفكاهه رقم(2).
خوف شيخ الأزهر
حسني مبارك بيسأل شيخ الأزهر فيه حد احسن مني
قاله لأ
قاله طب أنا أحسن ولا عبد الناصر
قاله لأ انت طبعا ياريس
قاله ليه
قال عبد الناصر كان بيخاف من أمريكا انت مش بتخاف من
أمريكا
قاله طب أنا أحسن ولا السادات
قاله انت طبعا ياريسنا ياكبير
قاله اشمعني
قاله السادات كان بيخاف من اسرائيل وانت مش بتخاف من
اسرائيل
قاله طب انا أفضل ولا أمير المؤمنين عمر بن الخطاب
قاله انت طبعا ياريس
قاله ليه
قاله أمير المؤمنين كان بيخاف من ربنا
و
انت مابتخافش من ربنا
ههههههه
19:28 Posted in فكاهات محمد عواد | Permalink | Comments (0) | Email this