« 2008-04 | HomePage | 2008-07 »
19/05/2008
لفق لفق للشرفاء
بأصابع / كريم الشاعر
ياحلاوه ياولاد في الأول إغتصبوا البنات يوم 25 / 5 / 2005 م وبعد كده هتكوا عرض الشرقاوي يوم 25 /5 / 2006 م بس المره دي خلفت معاهم كام يوم حاولوا يقدموها شويه علشان ماتبقاش وصمة عار علي جبينهم وعلشان ميكونش فيه عيد رسمي للتحرش معلش بقي أنا ممكن اللي يقرا كلامي النهارده يقول إن أنا شارب كاسين قبل ماحط إيدي علي الكي بورد بس الحقيقه النظام المصري ماخلاش حاجه قذره غير لما عملها المهم بقي إيه موضوع التحرش وإيه غية أمن الدوله في اللعب بيه واشمعني بهاء صابر تحديدا في الوقت ده بالذت وتحديدا بعد خروجة من المعتقل بأيام قليله أنا بقي أقلكم أصل الواد بهاء فكر وياريته مافكر إنه يأسس مؤسسه حقوقية يدافع من خلالها عن المعتقلين وكان في شروط التأسيس إن هوا يروح للجهاز السيادي اللي بيحكمنا علشان ياخد الموافقه الأمنيه وهناك لما قابل الضباط كانو طالبين منه شوية تنازلات علشان يوافقوا عـ التأسيس طبعا من التنازلات دي إن هوا مايمشيش في مظاهرات كتير وطبعا ده لإن هوا أصلا صوته عالي وبيهتف من قلبه ومادام بيهتف من قلبة يبقي هيزعزع الكرسي وهتافه هيوصل لقلب الناس عدل ومن ضمن التنازلات أيضا إن هوا يندس بين المعارضين وينقل أخبارهم وما كان من بهاء إلا أنه رد عليهم ردا حاسما أثناء التحقيق الأخير معه حين الإفراج عنه من سجن المرج في الحبسه الأخيره حاكم هوا بقي حبسجي درجه أولي . طبعا هوا مش عايز يكون خاين والحقيقه إن هما حسوا إن هوا راجل عليهم ففكروا يعملوله إيه وقالوا ده مفيش حد أرجل مننا مين بهاء اللي شايله علي كتفه ده ومش خايف وطايح في كل الناس ففكروا إن هما يمحوا رجولته خالص وقد كان ماكان بس اللي انا شفته منه بعد ماطلع من التلفيقه دي إنه ماوافقش برده يلبس الطرحه ويقعد في بيتهم جنب أمه زي الولايا ويقشرلها بصل ويغسل المواعين ماهو يادوب هيا دي المواصفات اللي تنفع مع قضية زي دي بس المصيبه إن النظام عبيط لإنه ميعرفش إن شباب الحركات الوطنيه كرست حياتها للدفاع عن الوطن وغالبا هما هيفشلوا دايما في كسر أنف شباب المعارضه بس اللي ممكن ينجح في كسرنا كلنا إحنا لإن دود المش منه فيه " وفي النهاية رسالتي للنظام إنتو ممكن تخلونا ماننزلش الشارع خالص بس في حاله واحده ألا وهي إنكم تحطونا في المعتقلات وتشردوا أولادنا وأهالينا وكان الله بالسر عليم "
03:55 Permalink | Comments (1) | Email this
11/05/2008
شد حيلك ياماهر
عذرا ننقل لكم أحداث إختطاف الزميل أحمد ماهر من الوعي المصري
شكر خاص للزميل وائل عباس
أحدث طريقة مصرية لمعرفة باسوورد الفيس بوك + تحديث
ده ضهر صاحبنا أحمد ماهر المؤسس الحقيقي لجروب الإضراب على الفيس بوك وليس البالونة الإعلامية التي نفختها بعض الصحف المستقلة وفي النهاية فست وقالت حرمت
وده قفا صاحبنا أحمد ماهر
وده ضهر صاحبنا أحمد ماهر من غير فلاش علشان تشوفوا اللون الأزرق الجميل اللي أكيد لم يكتسبه من حمام شمس على أحد شواطيء مصر الجميلة
كتف أحمد ماهر
ودي الخرابيش في ضهر صاحبنا أحمد ماهر
ودي آثار صوابع المجرمين في ضهر معلمة في ضهر أحمد ماهر صاحبنا
ودي صوابع المجرمين معلمة في رقبة أحمد ماهر صاحبنا
ودي آثار الضرب ببوز الجزمة معلمة في دماغ أحمد ماهر صاحبنا
وده طبعا قرار إنساني إتخذه الأب الإنسان حبيب العادلي في لحظة إنسانية لأن أحمد ما طلعش في الفضائيات وقال حرمت ومش هاعمل كده تاني
بعد قليل مقابلة حصرية بالفيديو مع أحمد فيها يروي كيف تم إختطافه من سيارته بالشارع بعد مطاردة من ميكروباص وثلالث سيارات وثمانية من الوحوش الآدمية وكيف تم سحله على الأرض في قسم شرطة القاهرة الجديدة ثم في لاظوغلي وكل ده علشان باسوورد الجروب بتاع الإضراب على الفيس بوك
تابعونا وإنتظرونا
-
تحديث - المزيد من صور الإعتداء على أحمد ماهر
ده التيشيرت بتاع أحمد ماهر اللي مباحث أمن الدولة قررت تخليهوله قميص يظهر موضة جديدة
عروة بنطلون جينز طقت بسبب الطريقة الوحشية اللي رفعوا بيها أحمد وجرجروه من حزام البنطلون
ركبه بنطلون أحمد من السحل على الأرض
سيارة أحمد وأثار صدمة الميكروباص الذي أغلق عليه الطريق
آثار قالب طوب أحمر من الأحجار التي قذفوها على السيارة وهو أحد الأسلحة الحديثة لمباحث أمن الدولة تيمنا بالإنتفاضة الفلسطينية
سيارة أحمد من الخلف بعد أن صدموها فإنخلع الشكمان والإكصدام الخلفي وإضطر أحمد لربطهما بالحبال
-
التحديث الثاني
|
| |
| فيديو يبين آثار الإعتداء على أحمد ماهر | |
 |  |
| شهادة أحمد ماهر حول تعذيبه الجزء الأول إضغط هنا | شهادة أحمد ماهر حول تعذيبه الجزء الثاني إضغط هنا |
-
هوامش
أحمد ماهر هو المؤسس الحقيقي لجروب الإضراب على الفيس بوك وليست إسراء عبد الفتاح كما زعموا والسبب في وجود إسمها وحدها على الجروب الآن هو أن فيس بوك أوقفت حساب أحمد ماهر لأنه كان يرسل عدد ضخم من الرسائل يوميا ليضم أعضاء للجروب وكان هذا المجهود هو سبب إنضمام أكثر من سبعون ألف عضو للجروب فإعتبره سبامر واوقفوا حسابه بينما كان كل دور إسراء هو المساعدة في الإدارة وحذف التعليقات المسيئة فقط لكن بعض وسائل الإعلام كانت تبحث عن قصة شيقة وبالونة لنفخها ولم يكن همهم أبدا الدقة في المعلومة أو البحث عن الحقيقة والقصة السليمة مما أضر بالحركة الوطنية من اجل التغيير ككل وبمصداقية نشطاء الإنترنت خصوصا وهو أمر لا يمكن التسامح فيه لأنه كاد أن يهدم مجهود إستمر أكثر من أربع أعوام على الإنترنت
وأحمد ماهر عضو سابق في حزب الغد وحركة شباب من أجل التغيير كما سبق إعتقاله في أحداث نادي القضاة في ربيع عام 2006 وبقي في سجن طره عدة أسابيع وهو متزوج ولديه طفلة رضيعة عمرها فقط بضعة أشهر وهذه لم تكن أول محاولة لإختطافه وهو يبيت في مواقع العمل وفي سيارته منذ الإضراب
ها يا معتز ها تستضيفه في تسعين دقيقة زي إسراء؟
ها يا منى ها تستضيفيه في العاشرة مساء زي إسراء؟
ها يا إبراهيم ها تخليه يكتب مقال عندك في الدستور زي إسراء؟
إيه الموضوع مش جذاب كفاية؟
بقى بايت؟
الأمن محرج عليكم؟
خلاص أستضيفه أنا
01:49 Permalink | Comments (0) | Email this
02/05/2008
شاركونا حتي ينصلح حال بلادنا
شــــــــــــــــــــــــــــــــــــــــــــــــــــــــــــــاركونــــــــــــــــــــــــــــــــــــــــــــــــــــا
*****************************************
**********************************
*************************************************
************************************************
21:30 Permalink | Comments (0) | Email this