23/03/2009
الحمله الوطنيه للإطاحه بدكتاتور مصر والوريث
| الحملة الوطنيه للإطاحه بدكتاتور مصر والوريث من أجل شعب حر صاحب رأي مش خايفين في عهد مبارك إنتشرت الرشوه والفساد والتزوير وقتل الشعب بالطعام المسرطن وتم تصدير الغاز للكيان الصهيوني وإعتقالات المعارضين الشرفاء وحوكم المدنيين عسكريا وانتشرت البطاله وعلي أثرها زاد معدل الجريمه بشكل ملحوظ وسرقت مدخرات الشعب لصالح فئة مواليه للنظام وارتفعت الأسعار والناس مش لاقيه تاكل وقتل الأطفال في أقسام الشرطه وانتهكت أعراض المعارضين والصحفيات والمتهمين داخل أقسام الشرطه وارتفعت نسبة الحرائق وفصلت القوانين وفشل التعليم وازدادت العشوائيات وقتل الفقراء في العشوائيات وغرقت العبارات وحرقت القطارات وازداد المحتكرين . وضاعت هيبة القضاء وغيره الكثير والكثير وبعد كل ده عايزين يجيبه وريث إسمه جمال عايزين يخلونا مسلوبي الإراده مالناش رأي في مستقبلنا يجب علينا أن لانسمح بهذا علشان البلد بلدنا مش بلدهم والمستقبل بتاعنا مش بتاعهم .
س 1/ تخيل لو مات الرئيس غدا وحاولت العصابه فرض الوريث علينا ورفض الجيش وجود الوريث حتي يظل الحكم في يد العسكر هل من الممكن أن يكون للمعارضه دور في ظل صراعاتها الموجوده حاليا ؟ س 2/ هل سيكون للشعب رأي ؟ س /3 وإذا إحتج الشعب علي هذا الوضع ماذا سيحدث ؟
جـ 1/ أعتقد أنه في هذا الوقت سيكون هناك تخبط في رد الفعل علشان مش هيكون فيه تحالف واجتماع علي فكره واحده وكل كيان هيعمل حاجه مختلفه فتنتشر الفوضي مما يعطي مبرر لفتح باب الإعتقالات ووضع المعارضين في السجون . جـ 2 / الشعب مش هيكون ليه رأي لأن مفيش أمامه بديل جـ 3 / إذا احتج الشعب سوف تنتشر المذابح في الشوارع
يبقي إحنا لازم نوقف نزيف الدم قبل أن يحدث
تعالو نبدأ حمله من خلال مدوناتنا ومن خلال الفيس بوك وبعديها ننزل الشارع ننشر أفكارنا وننشر الوعي عند الناس ونعرفهم حقوقهم بالإشتراك مع كل الناس اللي نفسها تشوف مصر أحلي سواء أحزاب أو حركات ونحاول نحل مشاكل المعارضين حتي لاتتفاقم ومنساعدش في أي صراع علشان بلدنا تبقي حلوه بجد ولتكن البدايه بدعوة إضراب 6 إبريل وليكن أول مطالب إضراب 6 إبريل 2009 إسقاط الدكتاتور ورفض الوريث ولنعلنها صريحه أمام العالم أجمع حتي نكون دائما في مقدمة الأمم بدأت الحمله في القاهره يوم الإثنين 23 / 3 / 2009 م الساعه السادسه مساء إنضم لحملتنا مصر الحره http://misrhura.blogspirit.com موقع دوشه البريد الألكتروني للحمله مجموعتنا علي الفيس بوك http://www.facebook.com/editaccount.php?language#/group.p... منسق الحمله كريم الشاعر 0111097686
|
18:37 Permalink | Comments (0) | Email this
22/03/2009
شاهد فيدوهات الإضراب وساهم في نشرها
شاهد فيديوهات الإضراب :
===============
إضراب عام لشعب مصر ... 6 أبريل 2009 ... الشعب قادم
http://www.youtube.com/wat
إضراب عام لشعب مصر ... 6 أبريل 2009 ... الغلاء يطحن المصريين
http://www.youtube.com/wat
إضراب عام لشعب مصر ... 6 أبريل 2009 ... العطش فى أرض النيل
http://www.youtube.com/wat
إضراب عام لشعب مصر ...6 أبريل 2009 ...أهالى زرزارة
http://www.youtube.com/wat
إضراب عام لشعب مصر ...6 أبريل 2009
http://www.youtube.com/wat
05:48 Permalink | Comments (0) | Email this
19/03/2009
أنشر هذه الدعوه في كل مكان
لو إنت مصري .. وغني .. مش هتفرق معاك حال البلد ..
بس ماتفتكرش إن ربنا بيحبك عشان إنت كده ..
دا ممكن يكون إختبار ليك ..
وافتكر إن قبل كل ده .. دي أرزاق ومتقسمة
ممكن أوي تكون إنت الشحات اللي في الشارع
ومامتك أو عمتك العجوزة اللي مستنية في طوابيرالعيش
وابنك مش لاقي ياكل
حتى لو إنت دلوقتي مش عايز تتخيل كل ده ..
حاول تساعد في ده
مش هتعمل حاجة
مافيش فلوس هتدفع لو خايف من كده
كل الناس عايزه تعمل حاجه في اليوم دا
أخيرا شعب مصر هينطق
أخيرا
خش شوف الجروبات المعمولة
http://www.facebook.com/gr
شباب مش خايف
عشان كده كده لو هيتعذبوا
هما متعذبين إنهم بيشوفوا بلدهم كده
في أسوء من إنك تبقى في بلد مش حاسس إنها بلدك غير لما مصر تكسب في بطولات كورة ؟
اشمعنى كلنا اتجمعنا لما مصر كسبت ؟
ليه مانتجمعش علشان مصلحتنا ومصلحة ولادنا
عايزين نحس بانتماء
عايزين ما نرميش زبالة في الشارع ومانقولش هي دي بلد دي
يالله جات عليا أنا يعني
**********************
لو الحكومه فاكره إنها بتحكم شعب ميت و مش حاسه بينـــــا
إحنا هنحس ببعض و هنقف جنب بعض و هناخد حقنا بإيدينا
بكل تحضّر و إنضباط و سلميّه
يوم 6 إبريل يوم كل المصريين
هنسيب لهم الشوارع فاضيه
مش هانخرج من البيوت
مش هنفتح المحلات و لا الصيدليات
مش هانروح المدراس و لا الكليـات
مش هانروح المصانع و لا الشركات
مش هانشغل التاكسيات و لا الميكروباصات
يوم 6 إبريل كل المصريين هايبقوا إيد واحده و قلب واحد
عايزين مرتبات , عايزين شغل , عايزين حرية , عايزين عدل
04:24 Permalink | Comments (1) | Email this
14/03/2009
ننقل لكم زيارة أيمن نور من موقع الحقيقة المصريه للزميل تامر مبروك
تغطيه كامله لزياره الدكتور/ ايمن نور
اليوم الخميس لمدينه بورسعيد الباسله
والتي اختتمها بلقاء كبير وحافل
جمع كافه القوى السياسيه
بنقابه المحامين بورسعيد
اكمل القراءه وشاهد الصور والفيديوهات
وهذه الصوره بعضا منها
واليكم الفيديوهات
اولا : هذا الفيديو لمسيره الدكتور ايمن نور ببورسعيد
منذ دخوله للمدينه الحره وحتى كلمته بنقايه محامين بورسعيد
ملحوظه : جميع اللنكات الاتيه لفيديو واحد ولكن تم رفع الفيديو باكثر من موقع للرفع لتحميل الفيديو من اي موقع منهم حسب رغبه اي زائر
ملحوظه اخرى: يمكنكم الوقوف بالماوس على أي لنك لثانيه واحده قبل الضغط عليه لمعرفه الموقع الذي ستحملون من خلاله الفيديو
اعتقد ان الموضوع واضح ومبسط تماما ولا ينقصنا سوى تعليقاتكم
او يمكنكم الضغط هنا ايضا
لاتنسو
تنظم مجموعة من القوى الوطنية يوم الخميس القادم 19/3/2009 الساعه الخامسه مساء أمام نقابة الصحافيين وقفه إحتجاجيه من أجل الافراج عن المناضل مجدي حسين.
يذكر أن المحكمة العسكرية قضت في وقت سابق بسجن حسين لمدة عامين, وذلك اثر عودته من قطاع غزة.
22:59 Permalink | Comments (0) | Email this